وقاطع النفس
فا قام عز الدين بالاتصال بالاسعاف
وجت الاسعاف اخدتة بالفعل
وعز الدين بصراحة كان عايز يروح مع اخوه جلال للمستشفي
لكن نظرا لحالة الشلل الي عنده
مكنش هينفع يركب معاهم عربية الاسعاف
ولقي انه هيعطل
رجال الاسعاف
فا طلب من سلوي انها تركب مع الاسعاف
علي ما هو يحصلهم
وبالفعل ركبت سلوي مع الاسعاف
وطلب منها عز انها تطلع للدكتور الفولاني… وتقولة يعمل الاسعافات الالازمة لاخوة
وبعدما ما مشيت الاسعاف
راح عز الدين يلبس عشان يحصل اخوه
وكنت عايزة اروح معاه لكن …
عز الدين رفض وقالي خليكي انتي تعبانة
المهم…
بعدما وصل عز الدين للمستشفي
اكتشف ان اخوه
( الدكتور جلال)
مات واصبح جـ,ـثة هامدة
فا اتصل عز الدين با ابوه
( الدكتور خليفة)
وزفله الخبر المشؤم
الي خلي الدكتور خليفة يترك الي في ايده
ويروح علي المستشفي الي فيها جـ,ـثة ابنة
ومعرفش لية سرعوا بدفن جـ,ـثة جلال الدين بدون تشريح ولا اي حاجة
وخرج جلال من
المستشفي علي المقابر
ساعتها انا كنت حاسة بذنب رهيب…
لاني انا كنت السبب في مو*ت ابن الدكتور خليفة
وانا الي اتسببت في كسرة ظهر جوز امي
الراجل الي فتحلنا بيتة وانقذ اخويا من الم*وت
وكنت بم*وت حرفيا من وجع الضمير
لدرجة اني كنت عايزة اصارح عز الدين
واقولة ان اني انا الي قت*لت اخوك بالغلط
لكن ماما كانت بتنبة عليا
وتقولي… حذار تعملي كده
وحذار يبان عليكي اي حاجة
وفعلا متكلمتش ولا قولت حاجة
و عز الدين يا عيني حالة اتبدل ونسي موضوع جوازنا الرسمي
الي كان ناوي يتممة
وبصراحة في الفترة دي
انا كنت حاسة اني اتعلقت بعز الدين
وكنت حزينة علية وعلي زعلة
وكنت بتوجع كل ما اشوف عز الدين موجوع وحزين علي اخوه
لكن كنت بحاول اخفف عنة بقدر استطاعتي
وقررت اني مش هسمع تاني لماما واحلامها
الي كانت ومازالت بتحلمها كل ليلة
دنا كمان قاطعت امي
واخواتي
ومكنتش حتي بحاول اتقابل بحد منهم
بسبب الغلطة الرهيبة الي ورطوني فيها
وفضل الوضع علي كده شهور
لغاية ما في يوم
ماما جتني غرفتي
وواجهتني بغضبها مني
وقالتلي …ازاي تقاطعي امك واخواتك؟
فا واجهتها انا كمان
وقلتلها ..لانك انتي السبب في الغلطة الكبيرة الي انا عملتها
وبسببك ضميري الي واجعني لغاية دلوقتي
وانا مش عايزة اشوفك ولا اعرقك تاني
فا ض*ربتني ماما قلم جامد
ومن شدة القلم
عشان رديت عليها بقلة ادب
ومن شدة القلم الي اخدتة
اغمي عليا وفقدت الوعي
وبعد ما فوقت من الاغماءة
لقيتني نايمة علي السرير
وعز الدين كان مخضوض عليا
لدرجة انه جابلي دكتور
وفي اللحظة دي
ابتسملنا الدكتور بعدما شخص حالتي
ووجه كلامة لعز جوزي
وقالة ……
مبروك يا عز باشا
المدام حامل
لحظة معلش
حامل ازاي ومن مين
هو مش عز الدين مشلول والاطباء قالوا ان الجزء السفلي عنده ميت تماما؟
امال انا حامل من مين……؟
الفصل التاسع
بعدما الدكتور صدمني بنتيجة الفحص
وقال لعز الدين
مبروك…المدام حامل
اتصدمت صدمة عمري
وعرفت ان( شيب العذاري) اصابني انا كمان
وفضلت اسأل نفسي
واقول..حامل ازاي؟…ومن مين؟
دا عز الدين ملمسنيش..
وحتي لو كان لمسني
فا استحالة يحصل حمل منه
لانة مصاب بشلل في الجزء السفلي من جسمة
والمصيبة ان عز الدين عارف كده كويس
يعني انادلوقتي في نظرة زوجة خاينة
و ممكن جدا انه يتهور و يق*تلني ..
وبصراحة لو عملها محدش هيقدر يلوم عليه
وفي اللحظة دي
كنت مرعوبة من رد فعل عز الدين
وبقيت اسال نفسي
واقول ياتري هيعمل معايا ايه
وايه هيكون رد فعلة.. بعد
ما عرف بامر البلوة الي في بطني
وفضلت اترقب لحظة مواجهة عز الدين وهو بيتهمني بالخـ,ـيانة
او بمعني اصح
انتقام عز الدين مني
لكن الغريبة ان عز الدين
بمجرد ما سمع كلام الدكتور
التزم الصمت تماما
وكأن الصدمة افقدتة النطق
والاغرب من كده
انه مفتحش معايا موضوع الحمل نهائي
وكل الي عملة …انه ترك الغرفة بتاعتنا
وراح يعيش لوحده في غرفة تانية ..
ومعرفش بقي ان كانت قعدتة في اوضة تاني
بهدف انه يتجنبني
ولا قعد لوحده
علي ما يشوف هيعمل معايا ايه ولا هيعاقبني ازاي
المهم..
بعدما لاقيت عز الدين ساكت
بصراحة صمتة دا كان راعبني
وساعتها انا قلت لنفسي
اكيد عز الدين
ناوي ينتقم مني
ايوه… عز الدين شخصتة صعبة
و مش من السهل انه يغفرلي مصيبة زي دي
واكيد ناويلي علي نية سودة…
وفضلت الطم علي خدودي
واقول لنفسي
يا مصيبتك المنيلة يا مني
دا ممكن عز الدين يقت*لني
في اي لحظة
وفي اللحظة دي
فكرت في اني اهرب
واستغيث بامي
وبالفعل…استغليت الفرصة لما
عز الدين هجرني وراح علي غرفتة الجديدة
وخرجت بسرعة علي الغرفة الي فيها اخواتي وماما
واول ما امي شافتني خايفة ومفزوعة
قالتلي…مالك يا قلب امك
قلتلها …
الحقيني يا ماما الدكتور بيقول اني حامل
وزي منتي عارفة
ان عز الدين جوزي مريض… واستحالة يحصل حمل مع مرضة دا
والمصيبة ان عز الدين من ساعة ما عرف وهو مبيتكلمش معايا…وكمان سابلي الاوضة وراح يعيش في اوضة لوحدة
فا غمضت ماما عنيها
وقالتلي…طب اقعدي واهدي
ومتخافيش
في اللحظة دي
سلوي ثارت عليا
وسألتني بغضب
وقالتلي..
بطلي بقي شغل اللوع والمكر بتاعك ده
وريحي نفسك عشان خلاص محدش فينا هيصدقك تاني
بصراحة ثورة سلوي عليا
واسلوبها الغريب في الكلام معايا صدمني
فا رديت عليها
وقلتلها…
تقصدي ايه بكلامك دا يا سلوي
فا ردت سلوي
وقالتلي
اقصد انك عارفة كويس اوي انتي حملتي من مين ؟
فا رديت
وقلتلها…
والله يا سلوي ما اعرف حملت من مين؟ ولا ازاي؟
في اللحظة دي
لقيت سلوي بتجذبني من ذراعي بكل قوة
ورمتني تحت رجلها علي الارض
وبعدها بصتلي
وقالتلي…لا
متكدبيش
انتي عارفة كل حاجة وعارفة كويس
انتي حامل من الدكتور جلال
واكيد هو دا السبب الي خلاكي قت*لتية بالسم
وبكت سلوي بحرقة
وبعدها كملت في تأنيبي
وقالتلي…
ليه قت*لتي جلال يا مني حرام عليكي
ما انتي عارفة انه كان حب حياتيأفضل الهدايا لأحبائكم
فا بصتلها بزهول
وقلتلها..
انتي بتقولي ايه؟
و ازاي تتهميني بق*تل جلال
وهق*تلة ليه؟
فا ردت سلوي
وقالتلي…
اكيد خلي بيكي …
بعد ما حملتي منة
فا قولتي تق*تلية وتخلصي منه ..ومن سركم مع بعض
في اللحظة دي
قمت من مكاني واتوجهت لماما
وبعدما قعدت تحت رجلها
اقسمتلها
وقولتلها ..
والله يا ماما ما حاجة من الي هي بتقولها دي حصلت ابدا
سلوي ظلماني يا ماما
وانا بريئة من قت*ل جلال
وكمان معرفش انا حامل من مين
في اللحظة دي
طبطبت ماما عليا
وقالتلي
انا عارفة انك بريئة
وعارفة كمان انك مش بتكدبي
في اللحظة دي
ردت سلوي بعصبية
وقالت..
وايه الي مخليكي متأكدة من برائتها اوي كده
ولا عشان بنتك حبيبتك الدلوعة
يبقي مبتغلطش
فا ردت ماما
وقالت…صدقيني يا سلوي
انا اتاكدت من براءة مني
لان دعاء اختك جتني في الحلم
واكدتلي علي برائتها
وللاسف عرفت من دعاء
اكتر من حقيقة مره
اولهم..
اني عرفت منها
مني اختك حملت من مين
والحقيقة التانية
هي ان شيب العذاري اصاب مني
زي ما اصابها هي وعايدة
والدور الجاي هيبقي عليكي انتي يا سلوي
والغريبة. ان دعاء
كانت جاية و جايبة معاها
دليل مادي جديد علي كلامها
و قالتلي اني هلاقي الدليل بتاعها
لما ابص علي شعر مني
في اللحظة
بصت سلوي علي شعري فعلا
وبعد ما شافت شعري
لقيتها برقت عنيها
وفضلت متنحالي وهي في منتهي الدهشة
ولقيتها بتبص لماما..
وبتقولها..
يلهوي ..
دا يظهر كلام دعاء طلع حقيقي وبجد يا ماما
في اللحظة دي
سالتهم بتعجب
وقلت…هو في اية؟
انتوا شايفين ايه في شعري
مخليكم مندهشين اوي كده
في اللحظة دي
شدت امي كام شعراية من شعري الي في نص راسي
وقربتهم من عنيا
وقالتلي…
نصف شعرك بقي ابيض
يعني شيب العذاري اصابك
انتي كمان يا مني
ودا الدليل الي كانت تقصدة دعاء
وطالما دعاء صدقت في المعلومة دي
يبقي دا معناه انها صدقت في اخطر معلومة قالتلهالي
فسالتها بلهفة
وقلتلها…
قولي بسرعة دعاء قالتلك ايه تاني يا ماما
فا ردت ماما وهي بتعيط
وقالت
دعاء قالتلي..ان الحمل حصل من الكلب الاسود
والكلب الاسود يبقي جوزي
ولو كلام دعاء حقيقي فعلا
يبقي انتي وعايدة
حملتوا من جوز امكم
ومعني كده اننا المره دي لازم ننفذ طلب دعاء الجديد
فسالتها سلوي
وقالت…وايه هو طلب دعاء الجديد
هنقت*ل الكلب برضوا
فا ردت ماما
وقالت…لا…
…
دعاء عايزانا نقت*ل الشخص الي بيتجسد في صورة الكلب
للاسف ..دعاء عايزاني اق*تل جوزي
في اللحظة دي
لقيتني بقوم من مكاني وبتوجه لباب الغرفة
واثناء ما كنت برجع للخلف
كنت بحاول اكدب كل الكلام الي سمعتة
وقبل ما اخرج واقفل الباب
رديت علي ماما
بكلمة واحدة
وقلتلها…حاولي تروحي لدكتور نفساني يا ماما
لان حالتك بقت صعبة بجد
وبعدما خرجت من عندهم
روحت علي غرفتي.. وانا بحاول اقنع نفسي
بان الي قالتة امي عن حملي من جوز امي
وطلب دعاء الغريب
دا كان بسبب اصابة امي بمرض نفسي
مش اكتر
ايوه مهو اصل انا لو صدقت ان جوز امي بيتقلب كلب وبيغ*تصبني انا واخواتي
البنات
وان علاج المشكلة دي
هو اننا نق*تلة
هبقي انا كمان عايزة اتعالج نفسيا
لا… الكلام الي امي بتقولة مستحيل عقل يتقبلة
لانة واصل لدرجة الهذيان
وانا عقلي رافض لكل الجنان ده
ورجعت فكرت تاني
وقلت…طب مهو برضوا الحمل الي في بطني حصل ازاي ومن مين؟
وبعدين مهو الكلب الاسود
هجم عليا فعلا في ليلة دخلتي
وانا اغمي عليا ساعتها يعني مكنتش في وعي
ومعرفش ايه الي حصل ليلتها
ورجعت اصارع الافكار العبيطة دي
واقول…لالا
طب ليه منقولش ان عز الدين سليم وهو الي دخل عليا
ليلتها ؟
بدليل انه مق*تلنيش ولا حتي ثار عليا من ساعة ما عرف اني حامل
ايوه ايوه …
اكيد عز الدين هو ابوه الجنين الي في بطني
دا حتي دعاء كانت قالت لماما قبل كده
ان عز الدين بيمشي باليل
يبقي اكيد عز الدين سليم وبيتمارض
بس عز الدين هيمثل المرض عليا ليه؟
ولو الحمل منه فعلا ايه الي هيخلية يهجرني ويتجنبني؟
لا انا لازم اتأكد بنفسي
من حقيقة مرض عز الدين
طب اعمل ايه عشان اتأكد؟
وبعدما فكرت شوية
اهتديت لفكرة معقولة
والفكرة هي …اني اغرز دبوس في رجلة الي بيدعي انها مشلولة وساعتها هتبان الحقيقة
ولو عز اتألم…يبقي سليم معافي وهو الي دخل بيا ليلة ما الكلب هجم عليا
اما بقي لو عز محسش بحاجة
يبقي انا حامل من ال…….
يا ستر يا رب مش قادرة انطقها
وبسرعة اخدت في ايدي دبوس من دبابيس الطرحة
وروحت انفذ التجربة والاختبار العملي علي عز الدين
وغصب عني
جيت علي كرامتي وروحت اقتحمت علي عز الدين غرفتة الي عايش دلوقتي فيها لوحده
ولما دخلت فجاءة…
لقيتة ممدد علي السرير بتاعة
فا قعدت جنبة علي السرير وحطيت ايدي الي فيها الدبوس علي رجلة
وكنت بستعد اني اغرز الدبوس في فخذة
بس قولت اشتت انتباهة الاول
واتكلم معاه
واثناء ما كنت باسألة عن صحتة وسبب هجرة ليا
فاجئتة وغرزت الدبوس في فخذة علي غفلة
وفي اللحظة دي………؟
الفصل العاشر
بعدما اصابني شيب العذاري
شكيت في عز الدين
وقلت احتمال كبير يكون هو الي دخل عليا في ليلة دخلتي
والحمل الي في بطني منه
بس الي كان مخليني مش متاكدة …من ظني ده
هو مرض عز الدين واصابتة بالشلل
وعشان كان لازم اتأكد ان كان عز الدين سليم معافي وبيتمارض ولا لا
فا جيبت دبوس الطرحة
وروحت علي غرفة عز الدين
ودخلت قعدت جنبة علي السرير
وانا ماسكة الطرحة الي فيها الدبوس
وبدون ماعز الدين ياخد بالة
غرزت الدبوس في فخدة
وفي اللخظة دي
لقيت عز الدين هب فجاءة من رقدتة وصرخ فيا
وقالي..انتي ايه الي جابك هنا ؟
هو انا مش سيبتلك الاوضة هناك
جاية وراية ليه
وعايزة ايه تاني بعدما اكتشفت خـ,ـيانتك
في اللحظة دي
بقيت بحاول استوعب سبب ثورتة ونفضتة من علي السرير فجاءة دي
واقول لنفسي
ياتري انت اتنفضت من مكانك وثورت عليا بسبب الخـ,ـيانة ولا بسبب احساسك بشكة الدبوس؟
وفضلت مركزة معاه شوية
يمكن يتحسس مكان شكة الدبوس
ولا حتي يتوجع من الالم ..لكن دا محصلش
وللاسف مقدرتش اتوصل لحاجة
فا اتعللت بالطرحة الي في ايدي
وقلتلة…انا كنت نسيت الطرحة بتاعتي علي السرير هنا وكنت جاية عشان اخدها
وهمشي
وفعلا خرجت بعدها من غرفة عز الدين وقفلت الباب ورايا
لكن لما خرجت
رجعت اقول لنفسي
ايه الخيابة الي انتي فيها دي يا مني
بقي بعد كل دا مقدرتيش تعرفي ان كان عز الدين سليم ومعافي ولا مشلول بجد؟
طب وبعدين منابرضوا
لازم اتأكد ان كان عز الدين مشلول ولا لا
عشان اقدر اقنع ماما بالتراجع عن فكرة قت*ل جوزها
وعشان كمان اخليها تقفل علي موضوع الكلب دا خالص
بس ياتري هقدر اعرف حقيقة مرضة فعلا ؟
وهعرفها من مين ؟
وفي اللخظة دي
تذكرت زوج امي
وقلت ان الدكتور خليفة هو اكتر واحد عارف حقيقة مرض ابنة
عشان كده اتوجهت فورا علي غرفة زوج امي
اه نسيت اقولكم…
ان زوج ماما وقع فريسة للمرض من يوم وفاة ابنة جلال
ومن يومها وهو طريح الفراش
وطبعا ميعرفش حاجة عن الحمل الي في بطني ولا يعرف بالمشكلة الي بيني وبين عز الدين
للكاتبة..حنان حسن
المهم ..
دخلت علي زوج ماما غرفتة
بحجة اني رايحة اطمن عليه
لكن الحقيقة اني كنت رايحة عشان استدرجة في الكلام يمكن اقدر اعرف منه حقيقة مرض عز الدين
وبالفعل..
قعدت جنبة علي السرير وبعد السلامات والاطمئنان علي صحتة
ابتسمت
وقلتلة…
انا بدعي ربنا انه يشفيك يا عمو ويشفي عز الدين كمان
مع اني يعني عارفة ان عز الدين مستحيل يخف من مرضة دا
فا بصلي زوج امي بغضب
وقالي..مين الي قال كده؟
مفيش مرض ملوش علاج واكيد ربنا هيكتب الشفاء لعز الدين
فا انتهزت الفرصة ان جوز امي فتح الكلام
وسالتة
وقلتلة..بس انا مش بشوف عز الدين بياخد اي علاج لحالتة دي
فا رد جوز امي
وقالي…
علاج عز الدين هيجي مع الوقت بشرط تتوفر له الراحة النفسية ..
لان الحالة الي عندة دي محتاجة علاج نفسي مش عضوي
فا رجعت سالتة تاني
وقلتلة…يعني عز الدين مش محتاج عملية و ممكن نلاقية قايم يمشي بين يوم وليلة عادي
فارد جوز امي
وقالي ..لا الحمد لله عز الدين مش محتاج اي عمليات
وممكن جدا يخف في اي لحظة فعلا
في اللحظة دي
رجع الشك يساورني من ناحية عز الدين تاني
فا ابتسمت لزوج امي
وقلتلة..ربنا يسمع منك يا عمو
وبعدما خلصنا كلامنا كنت عايزة استأذن وارجع لغرفتي
لكن جوز امي طلب مني اي افضل قاعدة معاه شوية
فا ابتسمت وقلتلة ..بس كده دنا هقعد معاك وهرتبلك الغرفة كمان
فا مسك ايدي
وقالي…لا متتعبيش نفسك
انا عايزك تقعدي جنبي وبس
عشان افطمك واعرفك
ازاي تخلي جوزك يخف بسرعة
قلتلة…ياريت فعلا تقولي ازاي؟
فا رد جوز امي وهو مازال ماسك ايدي
وقالي…
ازاي عز الدين يبقي معاه القمر دا ويفضل علي حالتة دي
دا نعومة المراة واغرائها
مفعولهم بيبقي اقوي من السحر
فا رديت بتعجب
وقلتله..
تقصد ان علاجة ممكن يبقي علي ايدي انا
فا رد زوج امي وهو بيبص في عنيا
وقالي
اي راجل مريض لو اتجوز واحده في جمالك
اكيد هيخف ويقوم زي الحصان
في اللحظة دي
بصيت في عنية…
ولاحظت انها حمراء اوي وفيها لامعة شبيهة بااللمعة الي شوفتها في عيون الكلب اياه
وبمجرد ما شوفت اللمعة في عيون جوز امي معرفش لية خوفت
وفي اللحظة دي
شديت ايدي من ايده بسرعة
لاني بدات اتذكر الكلام الي قالتهولي امي
عن ان جوز امي…
لما قالتلي انها شاكة ان يكون جوزها هو نفسة الكلب
الي هاجمني ليلة دخلتي
عشان كده
مقدرتش اقعد اكتر من كدة
وقومت بسرعة وخرجت من الاوضة عنده
وبسرعة رجعت علي غرفتي
لكن…للاسف
رجعت بدون اي نتيجة
بالعكس.. دنا اتلخبطت اكتر من الاول
والحيرة الي عندي زادت اضعاف
وملقتش ادامي غير سلوي اختي
عشان اتكلم معاها
وانتهزت فرصة اني شوفت ماما مشغولة في المطبخ
وروحت لسلوي علي اوضتها
وصارحتها بكل الي بيدور في دماغي
فا بصتلي سلوي بشفقة
وقالتلي..سامحيني يا مني انا فعلا كنت ظالماكي
والحقيقة انتي فعلا في موقف لا تحسدي عليه
فا رديت وقلتلها
طب وانتي شايفة ايه ؟
هو فعلا ممكن الكلب يكون السبب في الحمل الي في بطني
فا ردت سلوي
وقالتلي…بصراحة انا مش قادرة اصدق التخاريف دي
واعتقد ان عز الدين سليم معافي وانه هو ابو الجنين الي في بطنك
بس اكيد في سر ورا الموقف الي واخده منك دا
في اللحظة دي
بصتلها
وقلتلها..
طب قوليلي اعمل ايه واتأكد ازاي ان عز الدين سليم معافي
فا ردت سلوي
وقالتلي…خدي بنصيحة جوز امك واعملي زي ما قالك
لان الراجل يعرف دماغ الراجل الي زية
وعموما جربي ومش هتخسري حاجة
فا رديت وقلت
قلت…
هجرب واعمل ايه يعني؟
ردت سلوي
وقالت..
استعملي اغراء و سحر الانثي مع زوجها
واتدلعي عليه شوية
واختبري رد فعلة بعدها
لو جوزك سليم معافي هتلاقية اتحرك واتجاوب معاكي بكل جوارحة
انما بقي لو مريض فعلا فهتلاقية زي لوح الثلج والاحساس عنده معدوم
بصراحة اقتراح سلوي عجبني
والحل كان معقول
وبالفعل روحت علي غرفتي ولبست قميص نوم مثير
وفردت شعري ولونت شفايفي الغليظة باحمر شفاة مغري وبعدها اتعطرت بالبرفان بتاعي
واول ما بقيت جاهزة
روحت تاني علي غرفة عز الدين
لكن المرة دي
لقيتة نايم وبيغط في ثبات عميق
فا قلت لنفسي
كده تمام جدا
الافضل انة يتفاجئ بيا في احلامة
وفي الا وعي مش هيقدر يلجئ للثبات الانفعالي
او بمعني ابسط
بالبلدي كده
هاخدة علي مشمة.. واغرر بيه علي فاجئة
عشان ميقدرش يقاوم
ولا يمنع نفسة انه يضعف ادامي
وفعلا…بدات في تنفيذ خطتي
واتسللت لغاية ما طلعت علي السرير بتاع عز الدين
ونمت جنبة لكن للاسف
لما فردت شعري علي المخدة بتاعتة
شعري لمس وجهة وقلق من النوم
وبعدما قلق عز الدين علي ملمس شعري الي وقع علي وجهة
وصحي وسألني
وقالي…
ايه الي جابك هنا يا مني
قلتلة..انا باخاف انام لوحدي
وقلت اجي انام هنا واتونس بيك
في اللحظة دي
اتعصب عز الدين عليا
وقالي…بطلي الاسلوب الغريب بتاعك دا
وروحي علي اوضتك
في اللحظة دي
اتعصبت عليه لاني كنت
محروقة علي كرامتي الي اتهانت من كتر الطرد الي طردهولي
المهم
نزلت من علي السرير بعصبية
وقلتلة…
انت انسان قاسي وقلبك حجر وانا مش هعيش معاك ثانية بعد كده
واثناء ما كنت بنزل من علي السرير مسكت بطني وصرخت
ووقعت نفسي من علي السرير بالعمد..
وبعد ما وقعت…
عملت نفسي اغمي عليا
في اللحظة دي
فضلت اراقب عز الدين بدون ما يشعر
واتفاجئت في اللحظة دي
انه قام… ووقف علي رجلة
ونزل كمان من علي السرير
ومشي كام خطوة لغاية ما جابلي البرفان بتاعة عشان يفوقني بيه
وبعدها قعد علي الارض واخد راسي بين ايدية
عشان يفوقني
في اللحظة دي
فتحت عنيا
وبعدما حطيت عيني في عنية..
قلتلة…
انا كنت شاكة انك مش مشلول يا عز الدين
ودلوقتي انا اتأكدت ان ظنوني كانت في محلها
فا نكس عز الدين راسة ومردش عليا
فا كملت كلامي
وقلتلة
انا مش هسألك
ليه خبيت عليا
انك بتمشي ومش مريض
ولا هسالك
واقولك ..
ليه عذ&بتني وخلتني اقضي طول الليل والفوطة بين سناني
ولا عايزة اعرف لية انكرت وجود الكلب؟
السؤال الوحيد الي عايزاله اجابة حالا
هو …
الحمل الي في بطني دا
منك انت ولا من الكلب؟
في اللحظة دي اعترفلي عز الدين بكل حاجة
واخيراااا
عرفت سبب الالغاز الي في حياتي كلها
والاهم من دا كلة انه جاوبني علي سؤالي
اذا كان عز الدين هو ابو الجنين
الي في بطني فعلا
ولا الحمل كان من الكلب؟
وللاسف الاجابة كانت …….؟
الفصل الحادي عشر
بعدما اتأكدت ان عز الدين رجلة سليمة
سالتة سؤال مباشر
وقلتلة…انا عايزة اعرف الحمل الي في بطني منك انت ولا من الكلب
فا رد عز الدين
بعدما لقي نفسة انه اتكشف ادامي
وقالي….انا هعترفلك بكل حاجة
بس لازم ارجع بالاحداث للخلف
واسردلك الحكاية من الاول
عشان كده …
لازم تسمعيني للاخر
وبدء عز الدين يسردلي حقيقة الالغاز الي كانت هتجنني
وقالي…
الحكاية بتبدء ايام ما كنت لسة في شغلي
وايامها انا كنت ضابط ليا شنة ورنة زي ما بيقولوا..
ودا كان مخلي صيتي مسمع والكل كان بيخشي من بطش الضابط عز الدين
لغاية ما في يوم
وانا قاعد في مكتبي
جالي اتصال من ابويا
(الدكتور خليفة)
ولقيت ابويا بيستغيث بيا و بيقولي..
ان في شخص اعتدي عليه
واطلق عليه كلب مسعور لينهش في جسدة
وابويا عايز يستنجد بالشرطة
فا طار عقلي ساعتها
ازاي الدكتور خليفة يتعرض للاعتداء وانا عايش
وبسرعة اخدت قوة من القسم وروحت علي المكان الي ابويا اتعرض فيه للاعتداء
وهناك عرفت سبب المشكلة
وهي ..ان الدكتور خليفة اتفاجئي باكتر من حالة بتعاني من مضاعفات خطيرة بسبب ادوية مصنعة تحت بير السلم..والغريبة ان الادوية سعرها غالي لكن عليها اقبال غير طبيعي
ودا لان الي بيبعها شخص دجال و بيدعي انه متصل بالعالم الاخر
وله علاقة بالجن والعفاريت
والعفاريت دول بقي هما الي في ايديهم انهم يشفوا المرضي من جميع الامراض
للكاتبة..حنان حسن
المهم..لما الدكتور خليفة اكتشف النصب دا
سال عن مكان الدجال وراح لغاية عنده عشان يحذرة
ويقولة انت كده بتأذي الناس ولو مرجعتش عن الي بتعملة دا انا هبلغ عنك
وكان رد الدجال علي الدكتور خليفة
انه اطلق علية
كلب من كلابة الشرسة
للكاتبة..حنان حسن
المهم..
لما دخلت انا و القوة علي بيت الدجال
لقيتة واقف بيصلنا وهو مبتسم… وكأنة كان منتظر وصولنا
والغريبة انة كان بيواحهنا بثبات انفعالي غير عادي
في اللخظة دي
امرتهم بالقبض عليه
لكن الغريبة ان الدجال متحركش من مكانة…وكل الي عملة
انه بصلي ووجهلي تهديد مباشر
وقالي..بلاش انت يا عز الدين بدل ما اذيك
فا ثار غضبي عليه اكتر
واتقدمت انا بنفسي منه عشان اقبض عليه
ولما الدجال لقاني بقرب منه اصدر امر للكلب بتاعة عشان يهجم عليا
انا شوفت الكلب بعيني وهو بيستعد للهجوم عليا
وبصراحة كان كلب اسود ولابس طوق فيه خرز ازرق حوالين رقبتة و شكلة كان مخيف
لكن انا كنت اسرع منه وخرجت سلاحي وض*ربت الكلب طلقتين في بطنة ووقع الكلب الضخم وبقي جـ,ـثة هامدة في غمضة عين
للكاتبة .حنان حسن
في اللحظة دي
بص الدجال لجـ,ـثة الكلب بهلع
وقالي…انت كده غلطت غلطة عمرك
استلقي وعدك بقي يا عز الدين
طبعا ساعتها انا مهتمتش بتهديداتة واعتبرتها هرتلة او شوية حركات من الي بيعملوها الدجالين
المهم
بعدما قبضت علي الدجال
وامرتهم انهم ياخدوه هو والي معاه علي البوكس…
ركبت معاهم في مقدمة البوكس واتوجهنا علي قسم الشرطة
واول ما وصلنا للقسم
فتحوا الباب الخلفي ونزلوا المتهمين وسحبوهم لداخل القسم
وجه بعدها دوري اني انزل انا كمان من العربية
لكن…
لما فتحت باب العربية عشان انزل من البوكس
كانت المفاجئة في انتظاري
وفجاءة
لقيت نفسي مش قادر اتحرك ورجلي مش حاسس بيها نهائي
فا اخدوني علي المستشفي
والاطباء ساعتها شخصوا حالتي علي انها شلل نصفي
وبالرغم ان الي حصلي كان محنة وقصمة ظهر
لكن سلمت بالامر الواقع
وقلت محدش كبير علي المرض
ومين عارف في يوم من الايام اخف وارجع امشي علي رجلي تاني
لكن للاسف الايام والشهور مرت .. وانا فضلت علي حالي
لغاية ما يأست ودخلت في حالة اكتئاب
وكنت بتمني المو*ت
وفضلت علي كده
لغاية ما في ليلة
كنت بايت فيها لوحدي في البيت
وفجائة
لقيت النور قطع
وبعدها سمعت اصوات غريبة شبيهة بشلالات المية
والصوت كان جاي من اتجاه الحمام
فا اخدني الفضول
واتجهت بحذر للحمام…
وبمجرد ما وصلت للحمام وفتحت الباب
اتفاجئت بالكلب الاسود الي في رقبتة طوق مليان بالخرز الازرق
والي جنني اكتر. ان الكلب اتكلم…
وقالي ..ازيك يا عز الدين؟
ياتري لسة فاكرني؟
وعرفت ساعتها ان دا هو نفسة الكلب الي انا ق*لتة بايدي
وفهمت ساعتها ان الكلب الي انا اذيتة مكنش كلب عادي
و الكلب طلع جن
بس الغريبة ان صوت الكلب الي كنت سامعة
كان شبيه بصوت ابويا
ساعتها انا اتسمرت مكاني ومنطقتش بنصف كلمة
لاني كنت مزهول من الي انا شايفة وعقلي كان رافض يصدقة
دا غير اني كنت مرعوب من كل الي بيحصلي
وكنت محتاج سنين عشان استوعب الجنان الي بيحصل
لكن الكلب مستناش عليا لما افوق من صدمتي ولا استوعب حاجة
ولقيتة بيسألني
و بيقولي
عايز تخف وترجع تمشي علي رجلك تاني
فا رديت بعدما ابتلعت ريقي
وقلتلة ..الصوت دا صوت ابويا…لكن الي ادامي كلب
انا عايز اعرف مين الي بيكلمني؟
فا تجاهل الكلب سؤالي
ورجع يعيد عليا السؤال بطريقة تانية
وقالي…
متضيعش الوقت في اسالة اجابتها مش هتفيدك بشيئ
سيبك من الاسالة
واسمع المفيد
انا عندي ليك عرض يا عز الدين
وهو…انك تطيع اوامري وتنفذ كل الي هطلبة منك
في مقابل اني اشفيك واخليك ترجع تمشي علي رجلك
فا رديت بيأس
وقلتلة..متحاولش تتبع الحيلة معايا
انا عارف ان حالتي ميئوس منها واستحالة ارجع امشي تاني مهما حصل
فا رد الكلب
وقالي…طب متيجي نجرب
وفجاءة هز الكلب ذيلة بحركات سريعة
وبعدها اقترب مني
وبمجرد ما ذيلة لمس رجلي
شعرت بملمس شعر ذيلة علي رجلي
ولما حاولت احرك رجليا لقيتها بتتحرك بالفعل
لا وكمان قدرت اقف وامشي في نفس الوقت
للكاتبة..حنان حسن
في اللحظة دي
مبقتش مصدق نفسي
وقلت خلاص الغمة انزاحت عني…واخيرا هقدر امشي علي رجلي
لكن للاسف
فرحتي مطولتش
لان العفريت حذرني
و قالي…
حذار حد يعرف انك بتمشي علي رجلك
لان شفائك دا شفاء مؤقت
وهيبقي في فترة الليل فقط
لكن اول ما يطلع عليك النهار
هترجع قعيد الكرسي المتحرك تاني
ولو عايز الشفاء التام
يبقي لازم تعطيني المقابل
ومش هتتخيلي
هو كان عايز ايه مقابل شفائي
في اللحظة دي
اخدني الفضول لمعرفة باقي الحقيقة
فا استوقفت عز الدين
وسالتة
وقلتلة…
وهو العفريت كان عايز ايه منك في المقابل
فا رد عز الدين باسف
وقال..
في الاول العفريت طلب مني
اني اتجوز مني بنت زوجة ابويا
وطبعا انا وافقت علي المقابل الي طلبة مني دا
وخصوصا اني كنت معجب بيكي
وعشان كده عملت حيلة وخططت لغاية ما اتجوزتك فعلا
والخطة كانت اني اوهمكم باني عايز اتجوز عايدة المعاقة…وفي نفس الوقت اخدت شنطتك بدون ما تعرفي وسرقت منها بطاقتك واتجوزتك انتي بدل ما اتجوز عايدة
وكنت فاكر اني كده خلاص نفذت الي العفريت طلبة مني
وفي نفس الوقت اتجوزت البنت الي انا بحبها
لكن…للاسف